Кишти такрорӣ-омили ҳосили фаровон

Турсунзода, 13 август. (АМИТ «Ховар», Ҳотам Рабиев).- Кишоварзони хоҷагиҳои шаҳри Турсунзода дар масоҳати зиёда аз 4 ҳазору 400 гектар кишти такрорӣ гузаронида, иҷрои нақшаро таъмин намуданд. Деҳқонон асосан шолӣ, ҷуворимакка, картошка, бодиринг, карам ва дигар намуди сабзавотро кишт намуданд. Деҳқонони ҷамоатҳои «Қаратоғ», «Сешанбе», «Навобод», «Пахтаобод» ва ба номи Ҷӯра Раҳмонов дар иҷрои нақшаи кишти такрорӣ ва рӯёнидани ҳосили фаровони ғалладона ва сабзавоти тоза пешдастӣ доранд.