Китоби нави Б.Мӯъминов

Душанбе, 28 август (АМИТ «Ховар», Людмила Дубинина).- Китоби нави Бобоқул Мӯъминов «АвруОсиёи нав чун омили зиддиимперия. Башардӯстӣ, Русия ва Тоҷикистон» аз чоп баромад. Дар ин китоб ҷиҳатҳои имрӯзаи кишварҳои АвруОсиё ва мафҳуми он аз нуқтаи назари манофеи миллии Тоҷикистон таҳлил шудаанд. Китоб барои сиёсатмадорон, олимон, муаллимон, донишҷӯён, аспирантҳо ва ҳамаи онҳое пешбинӣ шудааст, ки ба масъалаҳои геополитика, фалсафаи иҷтимоӣ ва сиёсатшиносӣ машғуланд. Бобоқул Мӯъминов чун духтур дар баробари муолиҷаи беморон ба таҳқиқи фалсафа ва рушди сиёсати Тоҷикистон низ машғул аст. Ин китоб самараи тадқиқоти фалсафавию сиёсии ӯ маҳсуб меёбад.