Конфронси омӯзгорон

Қурғонтеппа, 23 август. (АМИТ «Ховар», Мурод Сотиев).- 24 август дар литсеи президентии ноҳияи Бохтари вилояти Хатлон конфронси ҳарсолаи вилоятии муаллимон баргузор мегардад.
Тавре, ки мутахассиси шӯъбаи иттилоот ва таҳлили вилояти Хатлон ба мухбири АМИТ «Ховар» хабар дод, омӯзгорони вилоят масъалаҳои рӯзмарраи соҳаи маорифро мавриди муҳокима қарор медиҳанд.
Дар фарҷоми конфронс маъмурияти вилояти Хатлон омӯзгорони шоистаро барои саҳмашон ба рушди низоми маориф бо ифтихорномаҳо ва тӯҳфаҳои қимматбаҳо қадр мекунад.