Корҷӯён, ба Маскаву Минск оед!

Душанбе, 22 август. (АМИТ «Ховар»). — КВД «Тоҷикхориҷакор» -и Хадамоти муҳоҷирати назди Ҳукумати Ҷумҳурии Тоҷикистон шаҳрвандони Ҷумҳурии Тоҷикистонро барои сафарбар намудан ба муҳоҷирати меҳнатӣ ба шаҳри Мински Ҷумҳурии Беларус аз рӯйи ихтисосҳои зерин даъват менамояд: устои хиштчин, андовагар, рангуборчӣ, кафшергари барқу газ, бетончӣ, роҳсоз, сафолакчин ва коргарони гуногунсоҳа.Маош аз ҳаҷми кори иҷрошуда вобаста буда, роҳкиро, ҷойи хоб, иҷозатномаи корӣ ва бақайдгирӣ аз ҳисоби корфармост.Маркази матбуоти Хадамоти муҳоҷират ҳамчунин иттилоъ медиҳад, ки КВД «Тоҷикхориҷакор» шаҳрвандонро барои сафарбар намудан ба муҳоҷирати меҳнатӣ ба шаҳри Маскави Федератсияи Русия, вилояти Маскав ва Ҷумҳурии Бошқирдистон аз рӯи ихтисосҳои зерин даъват менамояд: устои хиштчин, андовагар, кафшергари барқу газ, бетончӣ, коргарони ҳамакора, бофанда ва ресанда.Маош аз ҳаҷми кори иҷрошуда вобаста буда, ҷои хоб, иҷозатномаи корӣ ва бақайдгирӣ аз ҳисоби корфармост.