«Корвони китоб» ба Ҷиргатол расид

Август 9, 2012 10:25

Душанбе, 9 август. (АМИТ «Ховар», Мавҷуда Анварӣ). — Ҳамасола бо иқдоми Вазорати фарҳанги ҷумҳурӣ ҷиҳати таъмини китобхонаҳои оммавию мактабӣ бо адабиёти тозанашр дар мамлакат ҳаракати «Корвони китоб» роҳандозӣ мегардад. Инак баъд аз вилоятҳои Суғду Хатлон корвон ба ноҳияи Ҷиргатол расид. Имсол «Корвони китоб» аз тариқи идораҳои зертобеи Вазорати фарҳанги ҶТ ба ноҳияҳои Нуробод 1896 нусха, Тавилдара 1893 нусха, Рашт 1992 нусха, Тоҷикобод 1893 нусха ва ба ноҳияи Ҷиргатол 1897 нусха, дар маҷмӯъ 9 ҳазору 512 нусха адабиёти тозанашрро ба маблағи 58 ҳазору 273 сомонӣ ба китобхонаҳои деҳоти ноҳияҳои минтақаи кӯҳистон тӯҳфа намуд.  Саидҷаъфар Сафаров, сардори Корхонаи воҳиди давлатии «Таъминот ва савдои китоб»- и Вазорати фарҳанг ба хабарнигори АМИТ «Ховар» чунин изҳор кард: «Бо мақсади такмили пурраи захираи китобхонаҳои минтақаҳои ҷумҳурӣ қариб 12 ҳазор сомонӣ мо танҳо ба китобхонаи марказии ноҳияи Ҷиргатол ва умуман дар маҷмӯъ қариб 60 ҳазор сомонӣ ба тамоми ноҳияҳои минтақаи Рашт китобҳои тозанашрро ба таври ройгон супоридем».Дар маркази ноҳияи Ҷиргатол бо ширкати теъдоди зиёди хонандагон намоиши китобҳои тозанашри адибони тоҷик, ки аз тариқи «Корвони китоб» аз шаҳри Душанбе оварда шуд, доир гардид. Дар чорабинӣ хонандагони синни гуногун ба адабиёти дастрасшуда аз наздик ошноӣ пайдо карданд. Адабиёти тозанашри воридшуда Сарқонуни ҶТ, Энсиклопедияи миллии тоҷик, асарҳои классикон, адибони муосир ва дигар китобҳои бадеӣ, инчунин китобҳоеро, ки ба Истиқлолияти кишварамон бахшида шудаанд, дар бар мегирифт, ки ба ин восита фонди китобхонаҳои деҳот бо адабиёти нав ғанитар гардид.

Август 9, 2012 10:25

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд