Мақсад-фаровонии бозор

Август 14, 2012 15:51

Душанбе, 14 август. (АМИТ «Ховар», Дилшодаи Хайруллоҳ). –Ҷамъияти саҳомии пӯшидаи «Холдинг Контгрупп-Тоҷикистон» бо мақсади фаровонии бозор ва таъмини сокинон бо маҳсулоти хушсифат дар бозорҳои Шоҳмансуру Қарияи Болои пойтахт ва шаҳри Ваҳдату ноҳияи Ҳисор намоиш ва фурӯши маводи ниёзи аввалро ба роҳ мондааст.  Ҳамарӯза аз ҷониби ин ширкат ба миқдори 50 тонна орд, 5 тонна биринҷ, 4 тонна шакар, наздики панҷ тонна равган, 1 тонна гӯшт ва дигар маҳсулоти қаннодию кишоварзӣ ба фурӯш бароварда мешавад. Қиммати маҳсулоте, ки ба мизоҷон пешкаш мегардад, нисбат ба бозор 20 фоиз арзон буда, сифати он ҷавобгӯи талаботи стандартист. Гарчанде ки самти фаъолияти ширкат дигар аст, дар асоси дастуру ҳидоятҳои Президенти Ҷумҳурии Тоҷикистон роҳбарияти он тасмим гирифтааст, ки дар моҳи шарифи Рамазон ин иқдомро амалӣ намуда, то андозае дар форавонию арзонии маҳсулот саҳмгузор бошад. Гуфта мешавад, ки масъулини Ҷамъияти саҳомии пӯшидаи «Холдинг Контгрупп-Тоҷикистон» намоиш ва фурӯши маҳсулотро дар шаҳрҳои Душанбе, Ваҳдат ва ноҳияи Ҳисор то охири моҳи шарифи Рамазон идома дода, дар маҷмӯъ ба миқдори зиёда аз 4 миллион сомонӣ маводи ниёзи аввалро пешкаши сокинону меҳмонон менамоянд.Ёдовар мешавем, ки намоиш ва фурӯши маҳсулоти ширкат дар бозорҳо 7 рӯз инҷониб баргузор шуда, он то охири моҳи Рамазон ҳамарӯза идома меёбад.

Август 14, 2012 15:51

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд