Маҳфили эҷодии Муҳаммадалӣ Маҳмадов

Душанбе, 28 август (АМИТ «Ховар», Людмила Дубинина).- Дар Маркази илму фарҳанги Русия маҳфили эҷодии Ҳунарпешаи мардумии Тоҷикистон Муҳаммадалӣ Маҳмадов баргузор гардид. Дар ин ҷо ҳаводорони истеъдоди ҳунарпеша, намояндагони корпуси дипломатии муқими Тоҷикистон ва созмонҳои ҷамъиятии пойтахт ҷамъ омада буданд. Ба меҳмонон филмҳои мустанади «Ҳаёти ман» ва «Мукофот» намоиш дода, сурудҳои дилнавоз дар иҷрои сарояндаи ҷавон Юлия Богданавичути дар толор танинандоз шуданд. Муҳаммадалӣ Маҳмадов, ки яке аз актёрону коргардонҳои номдори Тоҷикистон мебошад, соли 1984 бо унвони фахрии Ҳунарпешаи шоистаи Тоҷикистон ва соли 2011 бо унвони Ҳунарпешаи мардумии Тоҷикистон қадр гардид. Номбурда дорандаи мукофоти Комсомоли ленинӣ ва мукофоти «Ситораҳои Иттиҳод-2011» низ мебошад.