Меъёри бозтамвил паст карда шуд

Душанбе, 17 август. (АМИТ «Ховар», Бекназари Абӯбакр). — Бо қарори навбатии Раёсати Бонки миллии Тоҷикистон меъёри бозтамвил ба андозаи 0,3 банди фоизӣ паст шуда, дар сатҳи 6,5 фоиз муқаррар карда шуд.  Хадамоти матбуоти БМТ хабар медиҳад, ки тағйироти навбатӣ тадриҷан ба паст гардидани фоизи миёнаи қарзҳо дар низоми бонкӣ ва вусъати сиёсати пулию қарзӣ нигаронида шудааст. Ёдовар мешавем, ки ин меъёр 6 июли соли 2012 аз 8 фоиз ба андозаи 1,2 банди фоизӣ то ба 6,8 фоизи солона паст карда шуда буд.