Муҳоҷирати дохилӣ ва хориҷӣ
Душанбе, 22 август. (АМИТ «Ховар», Лаззат Диловарзод).- Муҳоҷирати бебозгашт бо иваз кардани маҳалли истиқомат аз рӯи маълумоти қайди талонҳои ашхоси кӯчидаомада ва кӯчидарафта, ки дар шӯъбаҳои шиносномавии Вазорати корҳои дохилии Ҷумҳурии Тоҷикистон ба ҳисоб гирифта мешаванд, дар давоми нимсолаи якуми соли ҷорӣ афзоиш ёфтааст.Тибқи маълумоти ин ниҳоди давлатӣ, шумораи умумии муҳоҷирон (шумораи аҳолии кӯчидаомада ва ҷамъи аҳолии кӯчидарафта) 35 ҳазор нафарро ташкил додааст, ки нисбат ба ҳамин давраи соли 2011-ум ба андозаи 4,5 фоиз зиёд аст. Аз он ҷумла шумораи аҳолии кӯчидаомада 16,1 ҳазор нафар ва шумораи аҳолии кӯчидарафта 19,1 ҳазор нафарро ташкил додаст. Дар асоси маълумоти бадастомада, шумораи аҳолии кӯчидаомада -4,7 ва шумораи аҳолии кӯчидарафта, ки таносуби он боз ҳам зиёдтар аст, 4,3 фоиз зиёд шудааст. Агар шумораи умумии муҳоҷирон дар нимсолаи аввали соли ҷорӣ бо иваз кардани ҷойи истиқомат дар вилояти Суғд -12,1 фоиз, ВМКБ -6,6 ва вилояти Хатлон 2,8 фоиз кам шуда бошад, дар шаҳри Душанбе ва ноҳияҳои тобеи ҷумҳурӣ баръакс, шумораи умумии муҳоҷирон бо иваз кардани ҷойи истиқомат мутаносибан 2,4 ва 5,8 фоиз зиёд шудааст.Амали муҳоҷирати бебозгашт бо иваз кардани ҷойи истиқомат на танҳо ба Ҷумҳурии Тоҷикистон, балки ба тамоми Иттиҳоди Давлатҳои Мустақил хос аст ва дар ин ҷумҳуриҳо низ иваз кардани маҳалли истиқомат бо кӯчидаомадан ва ё кӯчидарафтан ҳамасола ба қайд гирифта мешаванд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






