Муҳокимаи ҳуқуқи занони муҳоҷир
Душанбе, 30 август.(АМИТ «Ховар», Покиза Маҳмадбекова).- Имрӯз, 30 август, дар шаҳри Душанбе ҷаласаи дуюми Шӯрои ҷамъиятии назди Хадамоти муҳоҷирати Тоҷикистон баргузор мегардад. Тавре ки аз маркази матбуоти Хадамоти муҳоҷирати назди Ҳукумати Ҷумҳурии Тоҷикистон ба АМИТ «Ховар» хабар доданд, иштирокчиёни ҷаласа вазъияти бахши муҳоҷирати меҳнатиро мавриди муҳокима қарор дода, масоили дар созмонҳои ҷамъиятӣ ва марказҳои фарҳангии воқеъ дар хориҷа кушодани шӯъбаҳои кор бо занони муҳоҷирро баррасӣ менамоянд. Ҳамчунин гузориш дар бораи доир намудани ҷаласаи 8-уми Гурӯҳи муштараки кории Тоҷикистону Русия барои татбиқи Созишномаи миёни Ҳукумати Ҷумҳурии Тоҷикистон ва Федератсияи Русия, ки моҳи ноябри соли равон дар шаҳри Душанбе баргузор мегардад, шунида шуд. Қобили зикр аст, ки вазифаҳои асосии Шӯрои ҷамъиятӣ иборат аз баррасии ибтикороти созмонҳои ҷамъиятӣ, тавсияҳои илмӣ ҷиҳати ҳалли масоили муҳоҷирати меҳнатӣ, ҳамчунин танзими фаъолияти муассисаҳои давлатӣ, иттиҳодияҳои ҷамъиятӣ ва созмонҳои илмӣ дар бахши муҳоҷират мебошад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
