Мубориза барои Ҷоми Тоҷикистон-2012

Душанбе, 23 август. (АМИТ «Ховар», Мавҷуда Анварӣ). — Миёни дастаҳои Лигаи олӣ се бозии аввали чорякниҳоии Ҷоми Тоҷикистон-2012 баргузор гардид. Дирӯз тими «Хайр»-и Ваҳдат бо дастаи «Энергетик»-и Душанбе дар варзишгоҳи «Хайр» рақобат намуда, бо ҳисоби 2 бар 3 шикаст хӯрд. Дастаи «Истиқлол»-и Душанбе ССКА «Помир»-и Душанберо бо ҳисоби 1 бар 0 мағлуб кард. «Регар-ТадАз»-и Турсунзода бар «Ҳосилот»-и Фархор бо ҳисоби 3 бар 2 дастболо шуд. Ёдовар мешавем, ки имрӯз, 23-юми август тими «Гвардия»-и Душанбе бо «Зарафшон»-и Панҷакент дар варзишгоҳи КМВА-и Вазорати мудофиаи Тоҷикистон вориди рақобат мешавад. Оғози бозӣ соати 17:00.Дар ин бора аз Федератсияи футболи кишвар хабар доданд.