Мулоқоти «Бе миёнаравҳо» баргузор гардид

Август 24, 2012 11:22

Душанбе, 24 август. (АМИТ «Ховар», Мавҷуда Анварӣ). – Дирӯз дар Муассисаи давлатии «Маркази равобити пойтахт» сӯҳбати ошкорои «Бе миёнаравҳо»-и Раиси шаҳри Душанбе М. Убайдуллоев бо иштироки беш аз 170 сокини шаҳри Душанбе — фаъолони шабакаи иҷтимоии www.facebook.com, ки намояндагони касбу кори гуногун мебошанд, ҳамчун усули нави коргирӣ аз қабули шаҳрвандон баргузор гардид. Иқдоми мазкур бо назардошти саҳми созгори онҳо дар раванди созандагии шаҳр, интиқоди конструктивӣ ва пешниҳодҳои муфиду мароқангез дар мавриди беҳсозии фаъолияти сохторҳои шаҳрӣ сурат гирифт. Зимни мулоқоти ошкоро масоили нақшаи генералии шаҳри Душанбе ва бартарафсозии биноҳои камошёна, намои меъмории минбаъдаи шаҳр, ҳолати роҳҳо ва фаъолияти нақлиёти мусофиркашонии ҷамъиятӣ, хоҷагии манзилию коммуналӣ ва лоиҳаи инноватсионии шаҳрӣ www.mometavonem.tj, дар бораи тадбирҳои ғанигардонии бозори истеъмолӣ бо маҳсулоти ниёзи аввалия дар моҳи сипаришудаи Рамазон ва ғайраҳо мавриди баррасӣ қарор гирифта, аз ҷониби Раиси шаҳр ба саволҳои иштирокдорон посухҳои қонеъкунанда дода шуд. Мулоқот 5 соату 30 дақиқа идома ёфта, пахши мустақими он бори нахуст тавассути сомонаи www.mometavonem.tj барои онҳое, ки дар ин ҳамоиш иштирок карда натавонистанд, таъмин карда шуд.Бо хулоса аз мӯҳтавои сӯҳбати анҷом гирифта ва бо қаноатмандӣ аз таклифҳои ироагашта дар фарҷоми мулоқот Маҳмадсаид Убайдуллоев ба масъулини шаҳрдорӣ дастур дод, ки баҳри татбиқи онҳо бо таҳияи нақшаи чорабиниҳои дахлдор лоиҳаи Қарори раиси шаҳри Душанберо дар мӯҳлати кӯтоҳтарин пешниҳод намоянд.

Август 24, 2012 11:22

Хабарҳои дигари ин бахш

Имрӯз дар Тоҷикистон ҳавои тағйиёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд