Мусодираи беш аз 63 кило маводи нашаъадор

Душанбе, 13 август. (АМИТ «Ховар», Лутфия Эшонкулова).- Аз ҷониби кормандони мақомоти Вазорати корҳои дохилӣ дар вилояти Хатлон зиёда аз 63 кило маводи нашаъадори «бангдона» дарёфт ва мусодира шуд.
 Тавре сомонаи расмии ВКД ҶТ хабар медиҳад, ҳангоми гузаронидани чораҳои фаврӣ-ҷустуҷӯӣ шаҳрвандон Қурбон Нуриддинов, соли таваллудаш 1959, сокини деҳаи Асораки н.Шӯрообод, агрономи хоҷагии ҷангали ноҳияи Шурообод ва Тоҷиддин Назаров, соли таваллудаш 1969, сокини деҳаи Кишти ҳамин ноҳия бо гумони ғайриқонунӣ нигоҳ доштани маводи нашъадор дастгир карда шуданд. Ҳангоми кофтукови шахсӣ аз онҳо 5 адад борхалта, ки дар дохилашон 63 килою 245 грамм маводи нашъадори «бангдона» буд, дарёфт ва мусодира гардид. Аз рӯи ин ҳодиса парвандаи ҷиноӣ оғоз гардида, татфиш идома дорад.