Нақши Олмон дар татбиқи барномаҳои муҳим

Душанбе, 27 август. (АМИТ «Ховар», Покиза Маҳмадбекова). — Дар Душанбе вохӯрии вазири рушди иқтисод ва савдои Ҷумҳурии Тоҷикистон Шариф Раҳимзода бо вазири федеролии ҳамкории иқтисодӣ ва рушди Ҷумҳурии Федеролии Олмон Дирк Нибел доир гардид. Ба мухбири АМИТ «Ховар» аз вазорати мазкур иттилоъ доданд, ки ҷалби ширкатҳои бузурги Ҷумҳурии Федеролии Олмон дар татбиқи лоиҳаву барномаҳои ҳаётан муҳим, рушди иқтисод ва тиҷорат, энергетика ва саноат, коркарди маҳсулоти кишоварзӣ, тандурустӣ, таҳсилоти касбӣ ва рушди инноватсия аз масъалаҳои калидӣ ва баррасишаванда дар мулоқоти Шариф Раҳимзода бо ҷаноби Дирк Нибел маҳсуб гардиданд. Дар анҷом ҷонибҳо атрофи нақшаю тадбирҳои мутақобилан судманд ибрози назар намуданд.