«Нафти Темурмалик»

Суғд, 1 август. (АМИТ «Ховар», Мирзалӣ Амонов).- Бо кӯшиши соҳибкор Мубинҷон Маҳмадҷонов дар вилоят корхонаи коркарди нафти ватанӣ бо номи «Нафти Темурмалик» таъсис ёфт, ки ба истеҳсоли маводи сӯхт нигаронида шудааст. Он дар ҳудуди 1,74 гектар пурра аз таҳкурсӣ сохта шуда,барои корҳои сохтмонӣ, хатҳои муҳандисию техникӣ ва васлу насби хатти технологии он 2,5 миллион сомонӣ маблағ масраф гардидааст.Хатти технологии «Сан-зан» истеҳсоли давлати Туркия мебошад ва иқтидори коркарди 30-35 тонна нафтро дар як шабонарӯз дорад. Маҳсулоти корхона-бензин, сӯзишвории дизелӣ,керосин ва мазут барои таъмини бозори дохилӣ пешбинӣ шудааст. Корхона имкон дорад дар 1 моҳ 150 тонна бензини навъи АП-80 ва то 300 тонна сӯзишвории дизелӣ истеҳсол ва бозори дохилиро таъмин намояд. Иқтидори лоиҳавии ҶДММ «Нафти Темурмалик»коркарди 650-700 тонна нафти хом дар 1 моҳ мебошад. Алҳол дар корхона 50 нафар коргару мутахассис ба кори доимӣ ҷалб шудаанд.