Оғози таъмири роҳҳо

Ашт, 27 август. (АМИТ «Ховар», Мирзалӣ Амонов).-Бо иқдоми мақомоти иҷроияи ҳокимияти давлатии ноҳияи Ашт мумфари кардани қисми роҳи Шайдон –Понғоз ва таъмири ҷории роҳи дохили маркази ноҳия ҷараён дорад. Баҳри иҷрои ин кор баъди он ки барои харидории 40 тонна маводи роҳсозӣ-битуми моеъ маблағ ҷудо гардид,соҳибкорон ва шаҳрвандони ҷамоати шаҳраки Шайдон, ҷамоати деҳоти Понғоз,барои харидории боз 40 тонна битуми моеъ саҳмгузорӣ намуданд. Маводи роҳсозӣ-битуми моеъ дар асоси шартнома аз ҷамъияти дорои масъулияти маҳдуди «Салоса»-и ноҳияи Қумсангири вилояти Хатлон харидорӣ ва дастрас шуд. Ҳамчунин дар ноҳияи Ашт бо истифодаи имконият,маблағҳои мавҷудаи мақомоти иҷроияи ҳокимияти давлатии маҳаллӣ, Вазорати нақлиёт, саҳми соҳибкорон таъмири қисматҳои вайроншудаи роҳи автомобилгарди «Хуҷанд-Ашт» низ амалӣ шуда истодааст. Лозим ба ёдоварист, ки роҳи автомобилгарди «Хуҷанд-Ашт» зиёда аз 45 сол пеш сохта шуда,ба таъмири пурра ниёз дорад.