Оғози ярмаркаи мактабӣ дар пойтахт

Душанбе, 29 август. (АМИТ «Ховар», Фирӯза Давлатова). — Бо қарори раиси шаҳри Душанбе Маҳмадсаид Убайдуллоев дар ноҳияҳои шаҳри Душанбе 16 ярмаркаи мактабӣ ба фаъолият оғоз намуд. Мутобиқи ин қарор ярмаркаҳо то 20-уми сентябр идома хоҳанд ёфт.Тавре ки котиби матбуоти раиси шаҳри Душанбе Шавкат Саидов иброз дошт, фурӯшгоҳҳо бо истифода аз масолеҳи сабуки ҷамъшаванда сохта шуда, дар онҳо либос барои толибилмон ва асбобу лавзимоти хониш ба фурӯш бароварда мешавад. Мавриди зикр аст, ки фаъолияти ин ярмаркаҳоро хадамоти оташнишонӣ, санитарию эпидемиологӣ ва ҳифзи муҳити зист назорат хоҳанд кард.