Одамкушон дастгир шуданд

Душанбе, 28 август. (АМИТ «Ховар», Мавҷуда Анварӣ). — Аз ҷониби кормандони мақомоти Вазорати корҳои дохилӣ дар ноҳияи Фирдавсӣ ҳамчун гумонбар дар куштор се шаҳрванд: Шералӣ Салимович Муродови 21- сола, Камолиддини Тошзода Субҳонқули 19- сола ва Шарифҷон Абдулазизи 22- сола, сокинони пойтахт дастгир шуданд. Номбурдаҳо рӯзи 26 августи соли ҷорӣ соати 23:30 дақиқа, дар назди тарабхонаи «Бешаи Палангон» бо Сорбон Бойназарович Музаффарбекови 20- сола, Даврон Додарбекович Нозимови 22- сола ва Ҷамшед Муҳаммадалиевич Ибодови 22- сола муноқиша карда, онҳоро латукӯб намудаанд. Шералӣ Муродов бо корд якчанд маротиба ба узвҳои бадани Сорбон Музаффарбеков задааст. Дар натиҷа С. Музаффарбеков ҷароҳати вазнини ҷисмонӣ бардошта. дар беморхона ҷон бохтааст.