Омодагиҳо дар филиали ДДТ шаҳри Кӯлоб

Душанбе, 9 август. (АМИТ «Ховар», Дилшодаи Хайруллоҳ). – То имрӯз дар филиали Донишгоҳи технологии Тоҷикистон дар шаҳри Кӯлоб барои соли хониши 2012 – 2013 аз рӯи ихтисос 430 ҳуҷҷати довталабон қабул шудааст. Қабули ҳуҷҷатҳо аз 20 июни соли 2012 оғоз гардида, то 20 августи соли 2012 идома меёбад. Бояд зикр намуд, ки дар машваратҳои фаннии филиал, ки аз 20 июл оғоз шудаанд, довталабон фаъолона ширкат меварзанд. Дар парки технологии филиал истеҳсоли маҳсулоти дӯзандагӣ ба роҳ монда шудааст. Раёсати филиали ДТТ дар шаҳри Кӯлоб дар баробари сохтмон ва ободонии биноҳои маъмурии филиал барои тайёрӣ ба мавсими зимистон корҳои зиёдро дар амал татбиқ менамояд. Дар ин бора ба хабарнигори АМИТ «Ховар» аз котиботи Вазорати энергетика ва саноати Ҷумҳурии Тоҷикистон иттилоъ доданд.