Пешгирии бемории сил ва инъикоси он дар ВАО

Август 22, 2012 16:24

Душанбе, 22 август. (АМИТ «Ховар», Мавҷуда Анварӣ). — 23-24-уми августи соли ҷорӣ дар меҳмонхонаи «Меркурий» давраи омӯзишии амалӣ барои рӯзноманигорон таҳти унвони «Инъикоси масоили пешгирию назорати бемории сил ва шаклҳои гуногуни он дар ВАО» баргузор мешавад. Дар ин бора аз маркази матбуоти Вазорати тандурустӣ ба АМИТ «Ховар» иттилоъ доданд. Тибқи иттилои манбаъ, мақсади баргузории тренинг ба рӯзноманигорон омӯзонидани инъикоси касбии масоили шаклҳои мутобиқгаштаи сил дар ВАО мебошад. Зимнан такмили малакаи журналистон дар таҳияи маводи чопию онлайнӣ, радиоӣ ва телевизионӣ оид ба ин мавзӯъ ва баррасии ҷанбаҳои ҳуқуқию ахлоқии бозтоби он дар ВАО, инчунин густариши ҳамкории рӯзноманигорон бо Вазорати тандурустии Тоҷикистон, Маркази ҷумҳуриявии мубориза бар зидди бемории сил ва созмонҳои байналмилалие, ки дар ин бахш кор мекунанд, барномарезӣ шудааст. Иштирокдорон ва коршиносони давраи омӯзишӣ роҷеъ ба ҷанбаҳои тиббии шаклҳои мутобиқгаштаи сил ва роҳҳои муолиҷаи он, пешгирии паҳншавии бемории сил дар маҳбасҳои Тоҷикистон ва миёни муҳоҷирони меҳнатию кӯдакон, зарурати таъмини соҳаи тандурустии кишвар бо мутахассисони силшинос ва дигар масоили мубрам табодули назар мекунанд. Ба ҷуз ин, рӯзноманигорон бо табобатгирандагон ва шифоёфтагони шакли мутобиқгаштаи сил мусоҳиба меороянд. Тренинг аз ҷониби Вазорати тандурустӣ ва Мактаби мустақили рӯзноманигории «Тоҷикистон — асри XXI» бо дастгирии Лоиҳаи ҲОУП ва Хазинаи Глобалӣ оид ба мубориза бар зидди ВНМО/БПНМ, сил ва табларза созмон дода шудааст.

Август 22, 2012 16:24

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд