Раиси Иттифоқи рассомони Тоҷикистон
Душанбе, 24 август. (АМИТ «Ховар», Афшини Муқим).- Имрӯз дар Вазорати фарҳанги Ҷумҳурии Тоҷикистон Анҷумани ғайринавбатии Иттифоқи рассомони Тоҷикистон доир гардид. Дар Анҷуман рассомони моҳири тоҷик ва масъулини соҳа ширкат доштанд. Зикр шуд, ки ҳадафи ҷамъомад таҳлилу баррасии фаъолияти Иттифоқи рассомони Тоҷикистон ва муайян намудани вазифаҳои минбаъдаи он, инчунин интихоби раиси ин Иттифоқ мебошад. Иҷрокунандаи вазифаи раиси Иттифоқи рассомони Тоҷикистон Вафо Назаров оид ба фаъолияти Иттифоқ дар давраи аз 21-уми январ то 24-уми августи соли ҷорӣ гузориш дод. Иштирокдорони ҷаласа 15 нафар рассоми собиқадори соҳаро ба ҳайати раёсати Иттифоқи рассомони Тоҷикистон интихоб намуданд. Ҳамчунин се тан аз таҷрибадарони соҳа ба ҳайати комиссияи тафтишотии Иттифоқи рассомони Тоҷикистон баргузида шуданд. Аз ҷониби ҳайати 15-нафараи раёсати Иттифоқи рассомони Тоҷикистон Фаррух Хоҷаев раиси Иттифоқи рассомони Тоҷикистон интихоб гардид. Ҳамчунин ин ҳайат роҳбарони шӯъбаҳои Иттифоқи рассомони вилояти Суғд, Хатлон ва шаҳри Истаравшанро муайян намуданд. Маврид ба зикр аст, ки алъон ба ҳайати Иттифоқи рассомони Тоҷикистон 176 нафар шомиланд.
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
