Рушди муносиботи Тоҷикистону Озарбойҷон
Душанбе, 10 август. (АМИТ «Ховар», Бекназари Абӯбакр). — Вазъи ҳамкориҳои дуҷонибаи Озарбойҷону Тоҷикистон дар бахши иқтисоду сармоягузорӣ, инчунин нақшаҳои минбаъдаи рушди онҳо дар ҷараёни мулоқоти раиси Кумитаи давлатии сармоягузорӣ ва идораи амволи давлатии ҶТ Давлаталӣ Саидов бо сафири Озарбоҷон дар Тоҷикистон Аббосалӣ Гасанов баррасӣ гардид.Д. Саидов изҳор дошт, ки Тоҷикистон дорои захираҳои бой дар соҳаҳои гидроэнергетика, маъданҳои кўҳӣ, кишоварзӣ ва ғайра мебошад, ки ин барои сармоягузорон заминаи ҷолиб ва фоидаоварро ҷиҳати ба роҳ мондани фаъолияти сармоягузорӣ фароҳам месозад.Зикр шуд, ки новобаста аз имкониятҳои зиёд ва иқтидорҳои бузург ҷиҳати ба роҳ мондани ҳамкориҳои сармоягузорӣ байни доираи соҳибкорони давлатҳои Тоҷикистону Озарбойҷон ҳиссаи сармояи мустақими ҷониби озарбойҷонӣ дар иқтисодиёти мамлакат хеле кам аст. Сафир аз ин воқеият нигаронӣ намуда, қайд кард, ки Ҷумҳурии Тоҷикистон дорои фазои муфиди иқтисодиву сиёсӣ ва имкониятҳои фаровон барои таъмини фаъолияти босуботи сармоягузорӣ мебошад ва барои ҷалби сармоягузорони Озарбойҷон, ки дар айни замон дар ҷустуҷўи бозорҳои нав ҳастанд, бояд дар ҳамкорӣ бо Кумита тадбирандешӣ кард.Аз ҷумла, ҷиҳати огоҳонидани доираи васеи соҳибкорони Озарбойҷон аз муҳит ва имконияту иқтидорҳои сармоягузории Ҷумҳурии Тоҷикистон дар Душанбе бо даъвати сармоягузорони Ҷумҳурии Озарбойҷон ташкили анҷумани сармоягузории Тоҷикистону Озарбойҷон мувофиқи мақсад мебошад.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






