Шумораи аҳолӣ меафзояд

Душанбе, 24 август. (АМИТ «Ховар», Покиза Маҳмадбекова).- Мақомоти сабти санадҳои ақди никоҳи шаҳрвандии Тоҷикистон дар нимаи аввали соли 2012 –ум 92 ҳазору 500 нафари таваллудшуда ва 17 ҳазору 900 нафари фавтшударо ба қайд гирифтаанд, ки 1 ҳазору 400 нафари онҳо кӯдакони синнашон то яксоларо ташкил медиҳад. Мувофиқи маълумоти пешакӣ, тайи давраи зикршуда теъдоди аҳолии Тоҷикистон 7 миллиону 565 ҳазор нафарро ташкил дода ва нисбат ба соли 2000-ум баробари 23 фоиз афзудааст. Шумораи аҳолӣ асосан аз ҳисоби таваллуд зиёд шудааст. Теъдоди аҳолии шаҳрҳо баробари 379 ҳазор нафар афзоиш ёфтааст. То имрӯз дар шаҳрҳои ҷумҳурӣ 27 фоизи аҳолӣ ва дар деҳот 73 фоизи онҳо умр ба сар мебаранд.