Шумораи бекорон рӯ ба афзоиш аст

Душанбе, 6 август. (АМИТ «Ховар», Музаффар Рустамов). –Шумораи бекорони дар Хадамоти шуғли аҳолии Вазорати меҳнат ва ҳифзи иҷтимоии аҳолии Ҷумҳурии Тоҷикистон расман қайд шуда дар охири моҳи майи соли 2012-ум 57,1 ҳазор нафарро ташкил дода, нисбат ба моҳи апрели соли 2012-ум 0,6 фоиз зиёд шудааст. Аз ҷумлаи ин бекорон занон 51,3 фоиз (29,3 ҳазор нафар)-ро ташкил додаанд. Сатҳи бекории расман ба қайд гирифташуда 2,6 фоизи аҳолии дар иқтисодиёт фаъолро ташкил кардааст.