Содироти маҳсулоти ватанӣ меафзояд

Душанбе, 14 август. (АМИТ «Ховар», Дилшодаи Хайруллоҳ). –Содироти мол ба хориҷи кишвар аз омилҳои пешрафти соҳаҳои гуногуни иқтисодиёти кишвар маҳсуб мешавад. Инро ба инобат гирифта, корхонаҳои соҳаи маводи сохтмони ҷумҳурӣ фурӯши якчанд намуди масолеҳи сохтмониро берун аз кишвар ба роҳ мондаанд. Дар 7 моҳи соли ҷорӣ 104,5 тонна ранг, 291,3 тонна андоваи минералӣ (ғӯрагаҷ), 23,2 тонна таҳранг ба маблағи 1 миллиону 186 ҳазору 549 сомонӣ ба Ҷумҳурии Қирғизистон ва Ҷумҳурии Исломии Афғонистон, 39,7 ҳазор тонна қуми квартсӣ ба маблағи 4 миллиону 765 ҳазор сомонӣ ба Ҷумҳурии Ӯзбекистон содир карда шуд.