Сохтмони нақби Шаҳристон анҷом меёбад

Душанбе, 3 август. (АМИТ «Ховар», Лутфия Эшонқулова).-Дар айни ҳол дар нақби Шаҳристон кандани нақби нақлиётию ҳаводиҳӣ ба охир расида, танхо корҳои ободонию, бетонкунӣ боқӣ мондаанд. Дар нақб 665 нафар мутахассису коргар фаъолият мебаранд, то дар мӯҳлати муқарраршуда ин иншооти барои хоҷагии халқ заруриро ба истифода супоранд.Тавре ки ба АМИТ «Ховар» аз Хадамоти матбуоти раиси вилояти Суғд хабар доданд, ҳамчунин ҷиҳати баргузории чорабинии ифтитоҳи нақб дар варзишгоҳи шаҳри Истаравшан корҳои омодагӣ идома дошта, ободонии мавзеъҳои аҳолинишин, пардози биноҳо ва дарахтони шафати роҳ амалӣ гардидааст. Қад-қади шоҳроҳи нақлиётии Айнӣ-Шаҳристон-Истаравшан шиору навиштаҷот ва лавҳаҳои ҷашнӣ овехта шудаанд.