«Созандагони Ватан» дар «АвруОсиёи ҷавон»

Душанбе, 24 август. (АМИТ «Ховар», Дилшодаи Хайруллоҳ).- Аз 22 то 28 августи соли равон бо ташаббуси ҳизби «Шукуфоии Арманистон» дар шаҳри Сахкадзори Ҷумҳурии Арманистон Форуми ҷавонон таҳти унвони «авруОсиёи ҷавон» ҷараён дорад. Дар форум бо даъвати Иттифоқи ҷавонони ҳизби «Шукуфоии Арманистон» ду нафар намояндаи Ташкилоти ҷамъиятии ҷавонон «Созандагони Ватан» – Адҳам Мирсаидов ва Абдулло Нуров иштирок доранд. Тавре ки раиси Ташкилоти ҷамъиятии ҷавонон «Созандагони Ватан» Адҳам Мирсаидов аз шаҳри Сахкадзор хабар медиҳад, 23 август дар расми кушоиши форум зиёда аз 17 кишвари қаламрави АвруОсиё, роҳбарияти ҳизби «Шукуфоии Арманистон» иштирок намуданд. Ҳадафи баргузории чорабинии мазкур тақвияти ҳамкорӣ миёни ҷавонони давлатҳои марбута ва ба ин восита мусоидат намудан ба ҳалли мушкилоти ҷавонон мебошад.