Стандартҳои нави мактабҳо

Душанбе, 31 август.(АМИТ «Ховар», Людмила Дубинина).- Дар ҷаласаи коллегияи Вазорати маорифи Ҷумҳурии Тоҷикистон як қатор стандартҳои таълимӣ, аз ҷумла барои синфҳои ибтидоӣ аз рӯи забони модарӣ ва риёзӣ, ҳамчунин аз рӯи забони тоҷикӣ ва биология барои синфҳои аз 5 то 9 тасдиқ гардиданд, ки онҳоро Академияи маорифи Тоҷикистон таҳия намудааст. Мувофиқи суханони президенти Академияи маорифи Тоҷикистон Ирина Каримова, стандартҳои зикршуда бо мақсади татбиқи Стратегияи миллии рушди маориф дар давраи то соли 2020 мутобиқи Қарори Ҳукумати Ҷумҳурии Тоҷикистон аз 30 июни соли 2012 таҳия гардидаанд. Стандартҳои нав салоҳият ва натоиҷи таълим аз рӯи ҳар фанро муайян намуда, ҷавобгӯи талаботи педагогикаи муосир буда ва дастовардҳои навтарини соҳаи таълиму тарбияро дар бар мегиранд.