«Суғд семент» ба истеҳсоли 100 ҳазор тонна семент оғоз намуд
Душанбе, 27 август. (АМИТ «Ховар», Дилшодаи Хайруллоҳ).- Имрӯз дар ноҳияи Мастчоҳ аз ҷониби ҶДММ «Суғд семент» корхонаи семент ба истеҳсоли озмоишии семент оғоз намуд.Иқтидори солонаи истеҳсоли сементи марҳилаи аввали корхона 100 ҳазор тонна сементро ташкил дода, дар айни замон 142 ҷойи нави корӣ муҳайё гардид. Корхона бо маблағи сармоягузори ватанӣ бунёд ёфта, таҷҳизоти он бо сарфи 1 млн. 842 ҳазор доллари амрикоӣ аз Ҷумҳурии Мардумии Чин ворид шудааст.Марҳилаи дуюми бунёди корхона баъди ба роҳ мондани фаъолияти мунтазами марҳилаи аввал оғоз шуда, иқтидори он истеҳсоли 1 миллион тонна сементро дар як сол дар бар мегирад. Роҳбарияти корхона ба нақша гирифтааст, ки бо афзоиши иқтидори истеҳсолии корхона шумораи ҷойҳои кориро ба 300 адад расонад.Дар ин бора ба мухбири АМИТ «Ховар» аз котиботи Вазорати энергетика ва саноати Ҷумҳурии Тоҷикистон хабар доданд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






