Суқути Як-52 ва ҳалокати ду сарнишини он

Душанбе, 21 август. (АМИТ «Ховар», Мавҷуда Анварӣ). — Рӯзи якшанбе, 19 августи соли ҷорӣ тақрибан соатҳои 10-00 ҳавопаймои Як-52-и Қувваҳои мусаллаҳи Ҷумҳурии Тоҷикистон дар фурудгоҳи ҳарбии Айнӣ, дар шашкилометрии ғарби пойтахти Тоҷикистон зимни парвози таълимию нақшавӣ суқут кард, ки дар натиҷа ду сарнишини он капитан Сӯҳроб Бойпочоев ва капитан Алексей Кошелев ба ҳалокат расиданд. Дар ин бора сардори маркази матбуоти Вазорати мудофиаи кишвар Фаридун Маҳмадалиев ба АМИТ «Ховар» иттилоъ дод. Ф. Маҳмадалиев гуфт, дар ҳоли ҳозир як комисияи махсус таъсис шуда ва он сабаби садамаро мавриди омӯзиш қарор додааст.