Тӯҳфа ба Мавзуна

Душанбе, 28 август. (АМИТ «Ховар», Дилшодаи Хайруллоҳ). — Имрӯз як тан ҳаводори асили муштзандухтари тоҷик, барандаи медали биринҷии Олимпиадаи Лондон Мавзуна Чориева, ки дар айни замон дар вилояти Суғд фаъолият дорад, барои табрики ӯ омада, қолинро бо акси Мавзуна барояш ҳамчун рамзи эҳтиром тӯҳфа кард. Дидор дар толори дастгоҳи марказии Кумитаи ҷавонон, варзиш ва сайёҳӣ сурат гирифт. Раиси Кумита М. Неъматов аз ташаббус ва меҳрубонии меҳмон нисбат ба Мавзуна, ки аз таваҷҷӯҳи хоссаи ӯ ба варзиш гувоҳӣ медиҳад, изҳори миннатдорӣ намуда, таъкид кард, ки Мавзуна- қаҳрамондухтари тоҷикистонӣ ифтихори миллат аст, чун дар бонуфузтарин чорабинии варзишӣ тавонист шарафи миллату ватанро ҳимоят кунад ва сабабгори партавафшон шудани Парчами Тоҷикистон гардид.