Тӯҳфа ба варзишгарон

Кӯлоб, 7 август. (АМИТ «Ховар», Сулаймон Холов).-Масъулини бахши ҷавонон, варзиш ва сайёҳии минтақаи Кӯлоб ба варзишгарон ва ҷавонони ноҳияи Балҷувон либос ва таҷҳизоти варзишӣ тӯҳфа карданд, ки маблағи умумии он 35 000 сомониро ташкил дод. Мақсад аз таъмини таҷҳизоти зарурӣ ҷалби ҷавонон ба варзиш ва иштироки онҳо дар мусобиқаҳои варзишӣ мебошад. Бояд гуфт, ки таҷҳизоти ҳадягардида 14 навъро дар бар гирифта, барои гузаронидани машқҳои тайёрии варзишгарон мувофиқ мебошад. Ҷавонписарони ноҳия соли гузашта дар ду мусобиқаи варзишии гӯштии тарзи дзю-до ва самбо ғолибият ба даст оварда, соҳиби 3 медали нуқра ва 2 медали биринҷӣ гардиданд.