Тақсими навбатии қитъаҳои замини наздиҳавлигӣ

Хуҷанд, 1 август. (АМИТ «Ховар», Мирзалӣ Амонов).- Бо иштироки раиси шаҳри Хуҷанд, аъзои комиссияи ҷамъиятӣ, кумитаи заминсозӣ, идораи меъморию шаҳрсозӣ дар микроноҳияҳои 1-ум ва 2-юми шаҳр ба 45 нафар шаҳрванди эҳтиёҷманд ва дорои касбу кори гуногуни ҷомеа ба андозаи 0,06 гектар қитъаҳои замини наздиҳавлигӣ дода шуд. Барои бунёди манзил дар ин мавзеъҳо дар шӯъбаи меъморӣ ва шаҳрсозии шаҳри Хуҷанд якчанд намуди лоиҳаҳои манзилҳои истиқоматӣ таҳия шудааст.