Тадбирҳои муҳими барқрасонӣ

Суғд, 27 август. (АМИТ «Ховар», Мирзалӣ Амонов).-Тавассути шабакаҳои барқи Истаравшан сокинони 6 шаҳру ноҳияҳои вилояти Суғд-ноҳияҳои Ҷаббор Расулову Спитамен, Ғончию Зафаробод,ноҳияи Шаҳристон ва шаҳри Истаравшан бо барқ таъмин мегарданд. Кормандони шабакаҳои барқи Истаравшан дар доираи омодагӣ ба давраи тирамоҳу зимистони солҳои 2012-2013 силсилаи тадбирҳо ва корҳои таъмиру навсозии хату зеристгоҳҳо ва трансформаторҳоро амалӣ менамоянд. Таъмиру насби истгоҳи барқии иловагӣ дар шаҳри Истаравшан, ба меъёр овардани сатҳи равғани трансформаторҳо дар ноҳияи Ғончӣ, гузаронидани корҳои профилактикӣ дар таҷҳизоти барқии зеристгоҳи «Суғд -500» ,иваз намудани ноқилҳои осебдида,тоза намудани хатти интиқоли барқ аз дарахтон -тадбирҳои муҳими барқрасонӣ дар шабакаҳои барқии Истаравшананд.