Тафтиши ногаҳонӣ

Қӯрғонтеппа, 30 август.(АМИТ «Ховар», Мурод Сотиев).- Кормандони Бозрасии давлатии автомобилии вилояти Хатлон ҳангоми рӯи кор овардани тафтиши махсуси ногаҳонӣ таҳти унвони «Чароғак» 36 ҳодисаи вайрон кардани қоидаҳои ронандагиро ошкор намуданд. Тавре ки нозири калони шӯъбаи ташвиқу назорати Бозрасии давлатии автомобилии вилояти Хатлон Ёрмаҳмад Давлатов ба хабарнигори АМИТ «Ховар» хабар дод, дар натиҷаи тафтиши ногаҳонӣ ҳодисаҳои бе надоштани шаҳодатномаи ронандагӣ идора намудани мошин, риоя нашудани қоидаҳои ҳаракати нақлиёт мутобиқи аломатҳои чароғак, ҳангоми рондани мошин телефони мобилиро истифода кардани ронандагон ва надоштани ҳуҷҷатҳо дар мавриди муоинаи техникии автомобил ошкор гардид.