Таъмири мактабҳо идома дорад

Тоҷикобод, 23 август. (АМИТ «Ховар», Мирзосафар Ризвонов).-Дар таълимгоҳҳои ноҳияи Тоҷикобод ба соли нави хониш омодагии ҳаматарафа дида мешавад. Ҳоло дар 48 таълимгоҳи ноҳия таъмири ҷорӣ босуръат идома дорад. Барои иҷрои корҳои сохтмонӣ аз ҳисоби буҷети маҳаллӣ 258 ҳазор сомонӣ, аз ҳисоби Анҷумани падару модарон 17,5 ҳазор сомонӣ ҷудо гардидааст,- гуфт зимни сӯҳбат мудири шӯъбаи маорифи ноҳия Зебо Ҳимматова. Баҳри анҷоми босифати таъмир аз тарафи худи коллективи омӯзгорон гурӯҳҳои сохтмонӣ ташкил ёфта, онҳо ният доранд, ки то 25 август таъмири таълимгоҳҳоро ба анҷом расонанд.