Таъсиси ИФ «Тоҷикистон-Амрико»

Август 1, 2012 14:56

Душанбе, 1 август. (АМИТ «Ховар», Мавҷуда Анварӣ). – Чанде пеш дар шаҳраки Фейрфакс, штати Вирҷинияи Штатҳои Муттаҳидаи Амрико бо ташаббуси ҳамватанон ва шаҳрвандони тоҷикистонии муқими ин давлат ва дастгирии Сафорати Ҷумҳурии Тоҷикистон дар ШМА маросими тантанавӣ бахшида ба таъсиси ҷамъияти фарҳангӣ бо номи «Иттиҳодияи фарҳангии Тоҷикистон-Амрико» барпо гардид. Аъзои ҷамъияти нав собиқ шаҳрвандони Тоҷикистон, соҳибкорон ва донишҷӯёну аспирантҳои макотиби олии ШМА буда, ҳадафҳои асосии он — таблиғ ва муаррифии мероси бой ва куҳанбунёди моддӣ ва маънавии тоҷикон миёни қишрҳои мухталифи ШМА, таҳким ва рушди робитаҳои илмӣ ва фарҳангӣ бо Тоҷикистон ва шинос кардани намояндагони табақаҳои васеи мардуми Амрико бо дастовардҳои халқи тоҷик дар соҳаи фарҳанг, илм ва санъат, инчунин кӯмаки башардӯстона ба муассисаҳои таҳсилоти умумӣ, ятимхонаҳо ва дабиристонҳои Тоҷикистон мебошад. Сафири Ҷумҳурии Тоҷикистон дар ШМА Н. Шамсов иброз намуд, ки Сафорати Тоҷикистон дар ШМА ҳама гуна иқдому ташаббуси ҳамватанони бурунмарзиро, ки барои ноил шудан ба ягонагӣ ва сарҷамъии тоҷикистониён равона гардидааст, дастгирӣ хоҳад намуд. Зимни муаррифии ҷамъияти тозабунёди тоҷикон дар ШМА раиси он ва собиқ шаҳрванди Тоҷикистон Владимир Федоренко ба ҳайати аъзо ва ҳозирин муроҷиат кард ва онҳоро ба саъю талош баҳри татбиқи ҳадафҳо ва вазифаҳои минбаъдаи ҷамъият ҳидоят намуд.

Август 1, 2012 14:56

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд