Теъдоди банкоматҳои “Тоҷиксодиротбонк” меафзояд

Душанбе, 7 август. (АМИТ «Ховар», Покиза Маҳмадбекова). – Дар ноҳияи Шуғнони Вилояти Мухтори Кӯҳистони Бадахшон банкомати нави “Тоҷиксодиротбонк” насб гардида, мавриди истифода қарор дода шуд. Тавре ки ба мухбири АМИТ “Ховар” аз бонки мазкур иттилоъ доданд, то имрӯз шумораи банкоматҳои бонк ба 121 адад расида, дар муқоиса ба 5 соли сипаришуда 6 маротиба бештар аст. Танҳо дар давоми як соли охир бонк 60 адад банкомат ва 40 ПОС — терминал харида ва асосан дар шаҳру ноҳияҳои мамлакат, аз ҷумла ноҳияҳои дурдаст насб намудааст.