Вазъи Хоруғ ором аст
Душанбе, 24 август. (АМИТ «Ховар», Л. Додо). — Вазъи шаҳри Хоруғ оҳиста-оҳиста ба эътидол меояд. Ҳама донистанд, ки куштори собиқ қумандони мухолифин амали ноҷавонмардонаи тарафи сеюм аст. Тавре ки сардори дафтари матбуоти Раёсати корҳои дохилии ВМКБ подполковник Мизроб Доробов иттилоъ дод, рӯзи 23-юми август тамоми ҳарбиёне, ки дар дидбонгоҳҳои муштарак мустақар буданд, қариб 250 нафар дар 9 мошин шаҳри Хоруғро тарк карда, ба қисмҳои ҳарбии хеш баргаштанд. Худи ҳамон рӯз дар толори Раёсати корҳои дохилии вилоят вазири дифои кишвар, генерал-полковник Шералӣ Хайруллоев ва вазири корҳои дохилӣ Рамазон Раҳимов бо фаъолон, депутатҳо, халифаҳо ва дигар нафарони шинохтаи маркази вилоят мулоқоти самимӣ барпо карданд. Мулоқот дар фазои ҳамдигарфаҳмӣ гузашт.Дар айни замон бозорҳо, фурӯшгоҳҳо, корхонаву муассисот кор мекунанд ва нақлиёти шаҳр фаъол аст.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
