Воридоти маҳсулоти нафту газ ба ҷумҳурӣ

Душанбе, 13 август. (АМИТ «Ховар», Дилшодаи Хайруллоҳ ). — Тибқи маълумоти мавҷуда дар ҳафт моҳи соли ҷорӣ аз ҳисоби соҳибкорони ватанӣ ба ҷумҳурӣ ба миқдори 43985 тонна гази моеъ ворид шуда, ба истифодабарандагон 41129 тоннааш фурӯхта шудааст.  Бояд тазаккур дод, ки дар айни замон дар ҷумҳурӣ 510 адад нуқтаи фурӯши гази моеъ фаъолият дошта, ин назар ба ҳамин давраи соли гузашта (494) 16 адад зиёд мебошад. Аз Ҷумҳурии Ӯзбекистон ба Ҷумҳурии Тоҷикистон ба миқдори 81 млн. 120 ҳазор метри мукааб гази табиӣ дар моҳи январ-июли соли ҷорӣ ворид шуда, корхонаҳои саноатӣ, маишӣ ва аҳолӣ бо он таъмин гаштаанд. Инчунин то имрӯз ба ҷумҳурӣ ба миқдори 281,2 ҳазор тонна маҳсулоти нафтӣ, аз ҷумла бензин-142 ҳазор тонна, сӯзишвории дизелӣ- 89 ҳазор тонна, мазут-4,8 ҳазор тонна, сӯзишвории ТС-1-36,8 тонна, равғанҳои молиданӣ-6,6 ҳазор тонна, битум-3 тонна ворид шудааст.Дар ин бора аз котиботи Вазорати энергетика ва саноати Ҷумҳурии Тоҷикистон ба хабарнигори АМИТ «Ховар» иттилоъ доданд.