Захираи алафи табиӣ ду маротиба зиёд шуд

Душанбе, 2 август. (АМИТ «Ховар», Фирӯза Давлатова). Тибқи иттилои раёсати чорводории Вазорати кишоварзӣ, соли ҷорӣ дар хоҷагиҳои кишоварзии ҷумҳурӣ майдони 101340 гектар алафи табиӣ ҷамъоварӣ гардид, ки дар умум 77476 тоннаро ташкил дода, баробари 76 фоиз мебошад. Захираи алафи табиӣ соли ҷорӣ ҳамагӣ 178135 тоннаро ташкил медиҳад, ки нисбат ба соли гузашта 90204 тонна ё 2 маротиба зиёд аст. Дар вилоятҳои Суғд, Хатлон ва ноҳияҳои тобеи ҷумҳурӣ алафи табиӣ 2,3 маротиба ва дар Вилояти мухтори кӯҳистони Бадахшон 122 фоиз, дар ноҳияи Тоҷикобод 9,9, дар Ҳисор 3,5, дар Файзобод 2,6 маротиба зиёд алафи табиӣ захира шудааст. Ҷамъоварӣ ва захираи алафҳои табиӣ дар хоҷагиҳои кишоварзии ҷумҳурӣ идома дорад.