112 корхонаи саноатӣ фаъолият накард
Душанбе, 20 сентябр. (АМИТ «Ховар», Лаззат Диловарзод).- Ба иттилои мудири бахши саноати Агентии омори назди Президенти ҶТ С.А. Иванникова, дар моҳҳои январ-августи соли 2012 аз 974 корхонаи истеҳсолӣ 570 корхона аз сатҳи истеҳсоли ҳамин давраи соли 2011 бештар маҳсулот истеҳсол карда бошад ҳам, мутаассифона, 112 корхона фаъолият накард. Аз чӣ бошад, ки муттасадиёни соҳа то имрӯз сабаби аз фаъолият бозмондани ин корхонаҳоро шарҳ додан намехоҳанд. Чунон ки маълум шуд, дар Вилояти Мухтори Кӯҳистони Бадахшон аз 14 корхонаи истеҳсолӣ 7 корхона, дар вилояти Суғд аз 276 — 189 , дар вилояти Хатлон аз 244 — 143, дар шаҳри Душанбе аз 228 корхона 128 ва дар ноҳияҳои тобеи ҷумҳурӣ (НТҶ) аз 185 корхонаи истеҳсолӣ 98 корхона нисбат ба ҳамин давраи соли 2011 бештар маҳсулот истеҳсол намудаанд. Бо вуҷуди ин, 112 корхонаи истеҳсолӣ аз аввали соли ҷорӣ то имрӯз фаъолият надоранд. Пас саволи матраҳ ин аст, ба таъкидҳои пайвастаи Сарвари давлат дар бораи зиёд намудани ҷойҳои нави корӣ ва афзун намудани маҳсулоти ватанӣ кӣ бояд ҷавоб гӯяд?
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
