Ҳафтае бо математикони сатҳи ҷаҳонӣ

Душанбе, 25 сентябр. (АМИТ «Ховар»). – Моҳи сентябри соли равон дар шаҳри Исломободи Чумҳурии Исломии Покистон конфронси байналхалқӣ оид ба мушкилоти имрӯзаи риёзиёт (pure Mathematics) доир шуд, ки дар он намояндагони зиёда аз 47 мамлакати ҷаҳон, аз ҷумла Тоҷикистон- муаллимони кафедраи информатикаи факултаи механикаю математика иштирок намуданд.  Ба мухбири АМИТ «Ховар» аз ДМТ иттилоъ доданд, ки дар семинар дар қатори дигар олимони шинохтаи ҷаҳонӣ намояндаи Тоҷикистон дар мавзӯи «Тасвири экстремалӣ-алгебравии ҷараёнҳои реалӣ ва дарахти ададҳои ба онҳо мувофиқ» маърӯзаи илмӣ намуд. Аз натиҷаҳои конфронси байналхалқӣ IPMC-2012 ба чунин хулоса омадан мумкин аст, ки математика дар замони ҳозира ба як воситаи тағйирдиҳии ҷаҳони муосир мубаддал гардидаю бе вай ягон масъалаи зиндагӣ ҳал намешавад. Он олоти идора равандҳо гардидааст.