Ҷамъбасти натиҷаи озмун

Душанбе, 11 сентябр.(АМИТ «Ховар», Назир Назиров).- Озмуни ҷумҳуриявии «Табиати тоза — кафолати ҷомеаи солим», ки ду сол боз байни намояндагони васоити ахбори омма гузаронида мешавад, ҷамъбаст гардид. Хабарнигорони рӯзномаҳои «Садои мардум», «Шарқи озод», «Ҷумҳурият», «Садои Душанбе» ва телевизионҳои «Суғд», «Сафина» ва «Ҷаҳоннамо» барои офаридаҳояшон дар мавзӯи табиат ва ҳифзи муҳити зист сазовори мукофотҳои озмун гардиданд. Дар ин бора ба АМИТ «Ховар» аз Кумитаи ҳифзи муҳити зисти назди Ҳукумати Ҷумҳурии Тоҷикистон хабар доданд.