Ҷамъоварии аслиҳаи оташфишон дар Бадахшон

Душанбе, 21 сентябр. (АМИТ «Ховар», Фарзона Достонзода). – Дар шаш моҳи соли равон дар миқёси ВМКБ 137 адад силоҳи оташфишон, ба миқдори 251 адад силоҳу лавозимоти ҷангии ғайриқонунӣ, аз ҷумла зиёда аз 100 адад автомати тамғаи Калашников, 6 пулемёт, 22 адад гранатамёт, як адад миномёт, як адад ДШК, як адад силоҳи тамғаи «Зенитка» ва дигар муҳимоти ҷангӣ аз аҳолӣ ва гурӯҳҳои муташаккили ҷинояткор мусодира шуд. Тавре ки ба мухбири АМИТ «Ховар» аз Хадамоти матбуоти Вазорати корҳои дохилӣ иттилоъ доданд, дар вилоят дар ин муддат беш аз 20 ҳазор адад лавозимоти ҷангӣ ва зиёда аз 150 адад маводи тарканда мусодира гардид. Инчунин дар ин давра ду нафар ҷинояткори дар кофтуков қарордошта- шаҳрвандон Шосулаймонов Умед Шосулаймонович, соли таваллудаш 1982, гумонбар бо моддаи 237 қ. 2 ва Бекназаров Матлаб Султонназарович, соли таваллудаш 1984, сокини кӯчаи Охунҷон, гумонбар бо моддаҳои 111 қ. 2, 237 қ. 3 ва 330 қ. 3 дастгир гардиданд.Ба иттилои манбаъ, номбурдагон дар латукӯби кормандони мақомоти ҳифзи ҳуқуқ ва мамониат дар иҷрои ҳукми суд даст доранд.