Ҷашнвораи «Рассомони наврас»
Душанбе, 19 сентябр. (АМИТ «Ховар», Раъно Нусратуллоева).- Бо дастгирии Ҳукумати Чумҳурии Тоҷикистон ва Вазорати фарҳанг дар Коллеҷи ҷумҳуриявии рассомии ба номи Мирзораҳмат Олимов фестивали ҷумҳуриявии «Рассомони наврас» гузаронида мешавад. Тавре ки сармутахассиси Вазорати фарҳанг Раҳматулло Раҳматуллоев ба мухбири АМИТ «Ховар» хабар дод, мақсади фестивали «Рассомони наврас» аз бедор намудани ҳисси зебоипарастии наврасон, инчунин дастгирии мактаб, студия ва коллеҷҳои санъати тасвирӣ иборат аст.Гузаронидани фестивал дар байни хонандагони мактабҳои рассомӣ бамаврид буда, бо ин роҳ омӯзгорон ва рассомони навраси мактабҳои санъати тасвирӣ, студияҳо асарҳои эҷодкардаи худро метавонанд манзури тамошобинон гардонанд.Ташкилкунандагони асосии фестивал омӯзгорони мактабҳои санъати тасвирӣ мебошанд, ки дар қалби кӯдаконаи рассомони наврас меҳри санъати тасвирӣ, дӯст доштани зебоии кишвари биҳиштосои худ ва қадр кардани Ватану диёрро ҷо додаанд.Маросими кушоиши фестивал 20 сентябр соати 10.00 дар нигористони ба номи Валимад Одинаеви Коллеҷи ҷумҳуриявии рассомии ба номи М. Олимов баргузор мегардад.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
