56 миллион сомонӣ –барои соҳаи маорифи Бадахшон

Сентябрь 18, 2012 14:59

Хоруғ, 18 сентябр. (АМИТ «Ховар», Л. Додо).- 16-уми сентябр дар доираи чорабиниҳо вобаста ба ташрифи Президенти мамлакат ба шаҳру навоҳии ВМКБ дар мактаби рақами 2 шаҳри Хоруғ вохӯрии раиси вилоят Қодири Қосим бо толибилмони синфҳои болоӣ ва волидони онҳо баргузор гардид. Раиси вилоят зикр кард, ки сол аз сол таваҷҷӯҳи Ҳукумати мамлакат ва Сарвари давлат ба соҳаи маориф бештар мегардад. Дар давоми даҳ соли охир дар ВМКБ 167 бинои мактаб навсозӣ шуда, мавриди истифода қарор гирифтанд. Агар маблағгузории соҳа дар вилоят дар соли 2000-ум ҳамагӣ ду миллион сомониро ташкил медод, соли равон барои ин соҳаи афзалиятнок 56 миллион сомонӣ ҷудо гардид, ки 59 фоизи буҷаи умумии вилоятро дарбар мегирад. Ҳамчунин хамасола баланд бардоштани маоши омӯзгорон низ шаҳодати ғамхориҳои Ҳукумати кишвар дар ҳаққи омӯзгорон мебошад. То соли 2015-ум ин раванд ду маротибаи дигар дар назар дошта шудааст. Имрӯз пешрафти технологияи муосир, бархӯрди тамаддунҳо ва фарҳангҳо , ҷаҳонишавӣ моро водор месозад, ки равиши тарбияро дигаргун созем.

Сентябрь 18, 2012 14:59

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд