9- сентябр-рӯзи ҷашну истироҳат

Душанбе, 6 сентябр. (АМИТ «Ховар», Мавҷуда Анварӣ). – 9 сентябр мардуми Тоҷикистон 21 – умин солгарди Истиқлолияти кишварро таҷлил менамоянд. Бинобар ин ҳам аҳолии кишвар иловатан ба рӯзҳои шанбеву якшанбе рӯзи душанбе-10 сентябр низ истироҳат мекунад. Дар ин бора ба хабарнигори АМИТ «Ховар» муовини раиси Федератсияи иттифоқҳои касабаи мустақили Тоҷикистон Исмоил Файзиев хабар дод.И. Файзиев гуфт, ки чун 9 сентябр ба рӯзи якшанбе рост меояд ва рӯзи муқаррарии истироҳатӣ маҳсуб мешавад, мутобиқан ин рӯз мувофиқи қонуни ҶТ «Дар бораи рӯзҳои ид дар Тоҷикистон» ба рӯзи душанбеи 10 сентябр гузаронида мешавад ва ин рӯз низ ғайрикорӣ эълон мегардад.