А. Фаёзов аз олам даргузашт

Душанбе, 25 сентябр. (АМИТ «Ховар», Мавҷуда Анварӣ). — 23 сентябри соли ҷорӣ бар асари бемории сактаи дил директори генералии Корхонаи воҳиди давлатии «Востокредмет» Фаёзов Акбар Мирзоевич дар синни 59 — солагӣ дар шаҳри Душанбе аз олам гузашт.Марҳум А. Фаёзов 11 августи соли 1953 дар шаҳри Душанбе ба дунё омада, соли 1976 Донишгоҳи политехникии Тоҷикистонро бо ихтисоси муҳандис-механик ва соли 1990 Академияи хоҷагии халқи ИРСС хатм намудааст. Солҳои 1976-1987 ба ҳайси танзимгари сехи механикии №3 заводи «Душанбеселмаш», устои калон, механики сехи механикии №3 заводи «Тоҷикгидроагрегат», солҳои 1987-1988 директори заводи «Тоҷикгидроагрегат», солҳои 1988-1996 директори генералии Иттиҳодияи истеҳсолии «Тоҷикгидроагрегат», солҳои 1996-2001 муовини аввали раиси шаҳри Душанбе, солҳои 2001-2008 раиси ноҳияи Исмоили Сомонии шаҳри Душанбе, солҳои 2008-2009 сардори раёсати ободонии шаҳри Душанбе фаъолият намудааст.Аз сентябри соли 2009 то охири ҳаёташ вазифаи директори генералии Корхонаи воҳиди давлатии «Востокредмет»-ро ба ӯҳда дошт.А. Фаёзов қаблан вакили Маҷлиси вакилони халқи шаҳри Душанбе ва Маҷлиси вакилони халқи ноҳияи Исмоили Сомонӣ буд. Барои хизматҳои шоён бо ордени «Дӯстии халқҳо» мукофотонида шудааст. Маросими ҷанозаи марҳум А. Фаёзов дирӯз, 24 сентябр баргузор гардид ва дар оромгоҳи Сариосиёи шаҳ ри Душанбе ба хок супорида шуд.