Афзоиши қарзи андоз

Мӯъминобод, 12 сентябр. (АМИТ «Ховар», С. Холов).-Дар ноҳияи Мӯъминобод қарзи андоз ба 2 миллиону 195ҳазору 597 сомонӣ расидааст, ки ин нисбат ба ҳамин давраи соли гузашта 445 000 сомонӣ зиёд аст. Анвар Сафаров, ҷонишини сардори нозироти андози ноҳия гуфт, ки корхонаи хишти Кӯлоб аз соли гузашта дар тавозуни ноҳия сабти ном гардидааст ва корхона аз пардохти андоз ба маблағи 827 000 сомонӣ қарздор буда, то ин ҷониб масъулини корхона наметавонанд қарзи худро пардохт намоянд. Инчунин хоҷагиҳои «Тебалай», «Ғулом Бобоёров», Муассисаи ободонӣ, Идораи суғурта, хоҷагии об, ҷамъияти матлубот, идораи обрасонӣ ва дигар ташкилотҳои ҷамъиятӣ аз пардохти андоз аз 35 000 то 45000 сомонӣ қарздоранд.